Naka-recover ang crypto nitong Martes ng umaga kahit na kumalat ang relief rally ng Lunes sa mga tradisyonal na merkado, kung saan mas mataas ang trading ng S&P 500 at Nasdaq. Bumaba naman ang dolyar habang binawasan ng mga trader ang ilan sa kanilang mas 'hawkish' na pagtaya sa Federal Reserve.
Tumataas ang mga pangunahing cryptocurrency kasama ng Bitcoin, kung saan tumaas ang Dogecoin ng humigit-kumulang 6% sa nakalipas na 24 na oras. Umakyat din ang mga 'crypto-linked mining stocks' kasama ng mas malawak na mga 'equity market'.
Ang pagtaas ng presyo ng DOGE ay nangyari sa kabila ng 'death cross' sa tatlong-oras na timeframe nito. Bumaba ang 50 MA (Moving Average) sa ibaba ng 200 MA, na bumubuo ng 'death cross' sa tatlong-oras na chart.
Umakyat ang presyo ng Dogecoin bago ang 'death cross', na ikinagulat ng mga 'bear'. Ito ay nakikita sa mga 'short liquidation' na higit na lumampas sa mga 'long liquidation'. Umabot sa $2.53 milyon ang mga 'short liquidation', habang ang mga 'long liquidation' ay umabot sa $938,590.
Sa mas malawak na merkado ng crypto, $570 milyon halaga ng crypto positions ang na-liquidate, kung saan ang mga 'short liquidation' ang bumubuo sa nakararami sa $367.05 milyon, habang ang mga 'long liquidation' ay umabot sa $203.57 milyon.
Nitong Martes ng umaga, aabangan ng mga trader ang datos sa U.S. manufacturing Purchasing Managers' Index.
Sa oras ng pagsulat, tumaas ang Dogecoin ng 4.76% sa nakalipas na 24 na oras sa $0.094 at bumaba ng 6.22% sa nakalipas na 24 na oras.
Sa kabila ng pagtaas ng presyo sa araw-araw, nananatiling mas mababa ang mga pangunahing cryptocurrency sa nakaraang linggo.
Kasalukuyang sinusubukan ng Dogecoin ang isang breakout sa itaas ng daily MA 50 sa $0.096. Kung ito ay magtagumpay, maaaring umakyat ang Dogecoin sa $0.12, kung saan maaaring magpataw ng pressure ang mga 'bear'. Kung biglang bumaba ang presyo ng DOGE mula dito, maaaring magpatuloy ang 'sideways trading' nito sa pagitan ng $0.09 at $0.12.
Sa kabilang banda, ang isang break at close sa itaas ng $0.12 resistance ay maaaring magpahiwatig na ang mga 'bull' ay muling namumuno. Nagbibigay daan iyon para sa pagtaas sa $0.16 na antas, na inaasahang magsisilbing resistance.
